ABŞ prezidenti Co Baydenin şəxsi söhbətlərində İsrailin baş naziri Binyamin Netanyahu haqqında təhqiramiz ifadələr işlətdiyi iddia edilib.
Bu barədə interpress.az xarici mediaya istinadən xəbər verir.
NBC News telekanalının Baydenin şəxsi söhbətlərində adı açıqlanmayan beş mənbəyə əsaslanaraq verdiyi məlumata görə, ABŞ prezidenti bu yaxınlarda ən azı 3 şəxsi söhbətində Netanyahunu təhqiredici sifət adlandırıb.
Şəxsi söhbətlərində Bayden deyib ki, o, İsraili atəşkəsi qəbul etməyə çalışıb, lakin Netanyahunun “burnundan tutub”.
Xəbərə görə, Netanyahu ilə məşğul olmağın qeyri-mümkün olduğunu bildirən Bayden, İsrail baş naziri ilə bağlı ətrafı ilə söhbətlərində də Netanyahu haqqında “bu adam” kimi aşağılayıcı ifadələr işlədib.
ABŞ Milli Təhlükəsizlik Şurasının verdiyi yazılı açıqlamada Baydenin Netanyahu ilə bağlı sözügedən açıqlamalardan istifadə etmədiyi iddia edilib.
Bayden və Netanyahu dünən telefon danışığı keçirərək “Həmas tərəfindən saxlanılan bütün qalan girovların azad edilməsini təmin etmək üçün davam edən səyləri” müzakirə ediblər.
Ağ Evdən verilən yazılı açıqlamada Baydenin Netanyahuya “Rəfəhdə 1 milyondan çox insanın təhlükəsizliyini təmin edəcək etibarlı və mümkün plan olmadan hərbi əməliyyat başlamamalı” fikrini təkrarladığı bildirilib.
