BMT məruzəçiləri Qəzzada istifadə ediləcəyi və beynəlxalq hüququ pozacağı səbəbilə İsrailə silah satışını dərhal dayandırmağa çağırıblar.
Bu barədə interpress.az xarici mediaya istinadən xəbər verir.
İsrailə silah satışına qadağa qoyulması ilə bağlı BMT məruzəçiləri tərəfindən yazılı açıqlama verilib:
“İsrailə silah satışı Qəzzada istifadə ediləcəyi və beynəlxalq hüququn pozulacağı əsası ilə dərhal dayandırılmalıdır”.
Bəyanatda vurğulanıb ki, bütün ölkələr silahlı münaqişə tərəflərinin 1949-cu il Cenevrə Konvensiyalarına və beynəlxalq hüquqa uyğun olaraq beynəlxalq humanitar hüquqa “hörmət” etməsini təmin etməlidir.
Açıqlamada xatırladılıb ki, ixracatçı ölkələr silahları qanuna zidd şəkildə istifadə etməyi hədəfləməsələr və ya bu şəkildə istifadə ediləcəyini dəqiq bilməsələr belə, “bu cür satışlar qadağan olunduğu müddətcə qadağandır.
Hollandiyadakı apellyasiya məhkəməsinin beynəlxalq humanitar hüququn pozulduğuna görə İsrailə F-35 döyüş təyyarəsi hissələrinin satışını dayandırma qərarının müsbət qarşılandığı və məhkəmənin “aydın bir məsələ olduğu” ifadə edilib.
2023-cü il oktyabrın 7-dən bu yana 29 mindən çox fələstinlinin öldürüldüyü, 69 mindən çox insanın isə yaralandığı xatırladılan bəyanatda İsrailin dəfələrlə beynəlxalq hüquqa uyğun çağırışlara biganə qaldığına diqqət çəkilib.
Bəyanatda, Silah Ticarəti Müqaviləsinə üzv olan ölkələrin “silahların beynəlxalq cinayətlərin törədilməsində istifadə ediləcəyini bildikləri halda” və ya “əsas risk” olduğu halda silah ixracından imtina etmək üçün əlavə müqavilə öhdəliklərinin olduğu bildirilib.
Beynəlxalq Ədalət Məhkəməsinin yanvarın 26-da Qəzzada soyqırım riski ilə bağlı çıxardığı nəticələr və o vaxtdan bəri mülki şəxslərə ciddi zərərin davam etdiyinə dair qərarlarından sonra İsrailə silah embarqosuna ehtiyac daha da artıb.
