Güclü qar Fransada nəqliyyatın hərəkətində aksamalara səbəb olub.
Bu barədə interpress.az xarici mediaya istinadən xəbər verir.
Normandiya və İle-de-Frans bölgələrində qar yağması səbəbindən bəzi yerlərdə xəbərdarlıq səviyyəsi narıncıya yüksəlib.
Paytaxt Parisin yerləşdiyi İle-de-Frans bölgəsində dünən axşam saatlarında nəqliyyat vasitələrinin hərəkətində kilometrlərlə növbələr yaranıb.
Əlverişsiz hava şəraiti səbəbindən N118 avtomobil yolu Ulis və Velizi arasında Paris istiqamətində nəqliyyat üçün bağlanıb. Yağan qar Parisin qərbində yolların hərəkətini dayandırıb.
A13 şossesində can itkisi olmadan çoxlu qəzalar baş verib, A13 və A12 magistralları müvəqqəti olaraq nəqliyyatın hərəkətinə bağlanıb.
“France Info” televiziyasının məlumatına görə, Normandiya və İle-de-Frans bölgələrində bəzi nöqtələrə yağan qar səbəbindən xəbərdarlıq səviyyəsi narıncıya yüksəlib.
Məktəblərdə nəqliyyat xidməti dayandırılıb.
