Yaponiya məhkəməsi 2011-ci ildə baş vermiş zəlzələdən sonra Fukusimadan təxliyə edilənlərə təzminatın ödənilməsinə hökumətin deyil, atom elektrik stansiyasının operatorunun cavabdeh olduğuna qərar verib. Bu barədə İnterpress.az xarici mediaya istinadən xəbər verir. 2011-ci il zəlzələsindən sonra nüvə sızması baş verən Dai-içi Elektrik Stansiyasının ətrafındakı ərazilərdən təxliyə edilən Fukusima əsilli insanların təzminat iddiasına Tokio Ali Məhkəməsində baxılıb.
Məhkəmə qərarında stansiya operatoru Tokyo Electric Power (TEPCO) 47 şikayətçidən 44-nə ümumilikdə 23,5 milyon yen (165 min dollar) ödəyəcəyinə qərar verilib.
Tokio Rayon Məhkəməsinin əvvəlki qərarında tələb edilən təzminat məbləğinin iki dəfə azaldıldığı Ali Məhkəmə qərarında Yaponiya hökuməti təzminat ödəməkdən məsul tutulmayıb.
Qərarda qeyd olunub ki, Yaponiya Sənaye Nazirliyinin zəlzələdən əvvəl dəniz divarının möhkəmləndirilməsi ilə bağlı göstərişinə baxmayaraq, sunami səbəbindən obyektin su altında qalmasının qarşısını almaq mümkün olmayıb.
Əvvəlki qərarda hökumət və şirkət məsuliyyət daşıyırdı
2018-ci ilin martında oxşar işdə Tokio Rayon Məhkəməsi “daha yaxşı tədbirlər görülsəydi, insidentin qarşısını almaq olardı və həm Yaponiya hökumətini, həm də TEPCO-nu hadisəyə görə məsuliyyət daşıdığını bəyan edib.
Sözügedən qərarda Rayon Məhkəməsi ümumilikdə 59 milyon yen (414,400 dollar) təzminat ödənilməsinə qərar verib.
2011-ci ilin martında Yaponiyanın şimal-şərqində Fukusima Dai-i Atom Elektrik Stansiyasının reaktorunda baş vermiş 9 bal gücündə zəlzələ və sonradan sunami nəticəsində yaranan nüvə çökmələri havaya buraxılmış və stansiyanın ətrafındakı ərazi evakuasiya zonası elan edilmişdir.
