Ankarada 21 yaşlı Esra Hankulunun ölümü ilə əlaqədar saxlanılan Ümitcan Uygun istintaqa ifadəsində bəzi etiraflar edib.
İNTERPRESS.AZ haberler.com-a istinadən xəbər verir ki, Uygun ifadəsində bildirib ki, qızla gecəni birlikdə keçirdiyi doğrudur, amma səhər evdən çıxanda onu sağlam qoyub gedib. “Sonra evdəki dostları mənə zəng vurdu və Esranın ağzından qan gəldiyini söylədilər”-deyə polisə ifadəsində bildirib. Polisin məlumatına görə, Hankulunun ölümü narkotikadan artıq istifadə səbəbindən baş verib. Hankulunun eyni gecə dostlarına zəng edərək psixikasının yaxşı olmadığını və atasının məzarına getmək istədiyini bildirdiyi də vurğulanır.
