Azərbaycan Respublikasının Prezidenti cənab İlham Əliyevin iyulun 21-də Bakının Xətai rayonunda şəhid ailələrinə, müharibə əlillərinə mənzillərin və avtomobillərin təqdim olunması mərasimindəki çıxışında bir daha sübut etdi ki, dövlətimizin başçısı inkişaf proqramlarına dəstək verir. Sosial təminat məsələləri ilə bağlı nəzərdə tutulmuş öhdəliklərdə gecikmə və yaxud təxirə salma hallarına yol verilmir, əksinə əhalinin, xüsusi ilə aztəminatlı ailələrin, şəhid ailələrinin muharibə əlillərinin təminatı diqqətdə saxlanılır, əlavə tədbirlər həyata keçirilir.
Bu gün dünyanın 120 ölkəsinin pandemiyaya qarşı mübarizə məqsədilə beynəlxalq təşkilatlara kreditlə bağlı müraciət etdiyi halda Azərbaycan artıq 30 ölkəyə yardım etmişdir. Təkcə bu il ərzində 1500 şəhid, 4000 məcburi köçkün ailəsinin mənzillərlə təmin olunması cənab prezidentin böyük diqqət və qayğısının təzahürüdür. Şəhid ailələrinin təminatının 20 %, məcburi köçkünlərin təminatının 50%, pensiyaların 20%, aylıq orta əmək haqqının 25% artırılması ümummilli lider Heydər Əliyevin neft strategiyasının Azərbaycanın gələcəyinə hesablanmış strategiya olduğunu bir daha sübut edir.2020- ci ildə 60 min nəfərin ödənişli iş yerləri ilə təmin ediləcəyi barədə cənab prezidentin təlimatı xüsusilə önəmli məsələdir.Ölkə başçısı Ermənistanın son günlərdə Tovuz rayonunda dinc əhaliyə qarşı təxribatlarına geniş şəhr vermişdir. Xüsusilə qeyd edilmişdirr ki, Azərbaycan daha 90-cı illərin Azərbaycanı deyil. Düşmənə həmişə layiqli cavab verilib, veriləcək də.Prezident İlham Əliyevin müraciətinə cavab olaraq 50 minə yaxın Azərbaycan vətandaşının könüllü olaraq səfərbərliyə qeydiyyatdan keçməsi xalqımızın düşmən təcavüzünə qarşı hazır olduğunu və vahid cəbhədən çıxış edəcəyini nümayiş etdirir.
Cənab prezident bildirmişdir ki, bizim siyasətimiz beynəlxalq hüquqa əsaslanır. Ermənistanın təxribatları ilə əlaqədar Türkiyənin dövlət və hökümət rəhbərləri, 57 ölkəni birləşdirən İslam Əməkdaşlıq Təşkilatı, Qoşulmama Hərəkatının üzvü olan 120 ölkə hətda MDB Kollektiv Təhlükəsizlik Şurasının üzvü olan 6 ölkədən 3-ü (Qazaxstan, Qırğzstan, Belarus) Azərbaycana dəstək vermişlər. Ermənistan isə utanmadan Kollektiv Təhlükəsizlik Şurasından xahiş etmişdir ki, Azərbaycanı qınayan bəyanatı qəbul etsinlər.Cənab prezident xüsusilə qeyd etmişdir ki, bizim üçün əsas məsələ Dağlıq Qarabağ münaqişəsinin həllidir. Bu münaqişənin yarımçıq həlli bizə lazım deyil, Azərbaycan işğal altında olan öz torpaqlarını qaytarmalıdır.Azərbaycan Rrespublikasının Prezidenti İlham Əliyevin iyulun 21-də Bakının Xətai rayonunda keçiriliən mərasimindəki çıxışında qaldırılan bütün məsələləri dəstəkləyirik. Tam əmin olduğumuzu bildiririk ki, Azərbaycan daha da inkişaf edəcək, işğal altında olan torpaqlar azad olunacaq, qaçqın və məcburi köçkünlər doğma yurdlarına qayıdacaqlar.
Əmiraslan Bəşirov
Yevlax şəhəri, Əməkdar müəllim
