Tesla mühəndisi şirkətin Ostin yaxınlığındakı Giga Texas fabrikində nasazlıq zamanı robotun hücumuna məruz qalıb. Bu barədə İnterpress.az xarici mediaya istinadən xəbər verir. Təcili söndürmə düyməsi ilə dayandırılan robotun hücumu zamanı qan gölünə çevrilib.Teslanın Texasdakı fabrikində baş verən qəzanın təfərrüatları 2 il sonra ortaya çıxıb.
Hadisə şahidlərinin sözlərinə görə, Teslanın robotu mühəndisə hücum edib.
İşçiləri təcili söndürmə düyməsini sıxmağa məcbur edən qəza nəticəsində ətraf qan gölünə çevrilib.
Fabrikdə işçilərlə görüşən hüquqşünas deyir ki, onların qəzalarla bağlı rəsmi qurumlara “məlumat vermədikləri”nə dair sübutlar var.
Təzə tökmə alüminium avtomobil hissələrini tutmaq və daşımaq üçün nəzərdə tutulmuş maşının həmkarına hücumunu iki şahid dəhşət içində izləyib.
Qurbanın sol əlində ‘açıq yara’ buraxan hadisə, Travis County və federal tənzimləyicilərə təqdim edilən və DailyMail.com tərəfindən nəzərdən keçirilən 2021-ci il zədə hesabatında aşkar edilib.
2021 və ya 2022-ci illərdə Tesla-nın Texasdakı zavodunda robotla bağlı başqa xəsarətlər qeydə alınmasa da, bu hadisə iş yerlərində avtomatlaşdırılmış robotların riskləri ilə bağlı illərdir artan narahatlıqları əlavə edib.
Teslanın Texasdakı qanuna uyğun olaraq səlahiyyətlilərə təqdim etməli olduğu zədə hesabatında mühəndisin işdən məzuniyyət almasına ehtiyac olmadığı iddia edilib.
