İndoneziya sahillərində 5,7 maqnitudada zəlzələ zəlzələ qeydə alınıb.
Bu barədə Avropa-Aralıq dənizi Seysmoloji Mərkəzi məlumat yayıb.
Təbii hadisənin episentri təxminən 77,2 min nəfər əhalisi olan Ende şəhərindən 85 km cənub-şərqdə, zəlzələ ocağı 50 km dərinlikdə yerləşib.
Tələfat və dağıntılar barədə məlumat yoxdur. Sunami təhlükəsi elan olunmayıb.
Qeyd edək ki, dünən də İndoneziyanın Sumatra adası sahillərində 5,3 maqnitudada zəlzələ qeydə alınıb.
