Fələstinin insan haqları təşkilatı Əl-Haq və Böyük Britaniyada yerləşən Qlobal Hüquq Fəaliyyət Şəbəkəsi (GLAN) beynəlxalq hüquq və qanunvericiliyə zidd olaraq, İsrailə silah satışını dayandırmaq tələblərinə məhəl qoymadığını əsas gətirərək Böyük Britaniyaya qarşı məhkəmə prosesi başladıb. Bu barədə İnterpress.az xarici mediaya istinadən xəbər verir. Əl-Haq və GLAN-dan verilən açıqlamada İsrailə hərbi texnika satmağa davam edən İngiltərəyə qarşı Ali Məhkəməyə müraciət etdikləri bildirilib.
Bəyanatda beynəlxalq hüquq və İngiltərə qanunlarına zidd olan İsrailə silah satışının dayandırılmasına dair yazılı tələblərinin davamlı olaraq göz ardı edildiyi, məhkəməyə edilən ərizədə İsrailin mülki şəxslərə zərər verdiyi, mülki infrastruktur, xəstəxana, çörəkxana kimi binalar, mülki vətəndaşların sığındığı məktəblər, ərzaq anbarları və su təchizatı ilə bağlı ehtiyatlara hücum, məcburi köçkünlük və aclıq kimi siyasətləri ilə bağlı detalların paylaşıldığı qeyd edilib. Açıqlamada, Fələstinlilər üçün Beynəlxalq Ədalət Mərkəzi (ICJP) və Silah Ticarətinə Qarşı Kampaniya (CAAT) kimi platformaların da bu təşəbbüsü dəstəklədiyi bildirilib: “İngiltərə hökumətinin Strateji Lisenziya Meyarlarına əsasən, silah ticarəti beynəlxalq hüququn açıq şəkildə pozulma riski olan yerlərdə həyata keçirilə bilməz. Məktəblər və qida mənbələri dəfələrlə qəsdən hava zərbələri ilə hədəfə alınıb”.
İsrailin 1,6 milyon qəzzalı köçürməyə məcbur etdiyinə də diqqət çəkən bəyanatda, İsrail rəsmilərinin Qəzzanı dağıdacaqları ilə bağlı açıqlamaları və Qəzzaya su, qida və enerji girişini kəsmək barədə açıqlamaları yer alıb və hüquq ekspertlərinə görə , bu bəyanatlar fələstinliləri bir millət halına gətirir.
Açıqlamada İngiltərənin müxtəlif kateqoriyalarda silah satışı üçün lisenziya verdiyi xatırladılıb və 2015-ci ildən bəri verilən məhdud lisenziyaların geri qaytarılmasının 472 milyon funt sterlinq (17 milyard lirə) olduğu, 58 limitsiz lisenziyanın verildiyi qeyd edilib.
