Çərşənbə axşamı səhər Ermənistan polisi baş nazir Nikol Paşinyanın istefası tələbi ilə İrəvanda keçirilən etiraz aksiyalarında 155 nəfəri saxlayıb.
İnterpress.az xəbər verir ki, bu haqda RİA Novosti-yə idarənin mətbuat xidmətindən bildirilib.
“Hazırda 155 nəfər polis bölmələrinə təhvil verilib”, – mənbə bildirib.
Qeyd edək ki, bir müddət əvvəl Ermənistan parlamentinin “Ermənistan” müxalifət fraksiyasından olan vitse-spikeri İşxan Saqatelyan demişdi ki, genişmiqyaslı itaətsizlik aksiyaları səhər saat 07:00-da başlayacaq, yollar bağlanacaq, nəqliyyatın hərəkəti dayandırılacaq, “paytaxt iflic olacaq”. Onun sözlərinə görə, çərşənbə axşamı saat 18:00-da Fransa meydanında növbəti mitinq keçiriləcək.
