İtaliya baş nazirinin müavini və xarici işlər naziri Antonio Tajani bəyan edib ki, Avropa İttifaqının (Aİ) sülhün qorunmasında və münaqişələrin qarşısının alınmasında rol oynaya biləcək bir ordu olmalıdır.
Bu barədə İnterpress.az xarici mediaya istinadən xəbər verir.
İtaliyanın “La Stampa” qəzetinə müsahibəsində Tajani bildirib ki, rəhbəri olduğu “Forza Italia” partiyası Avropada müdafiə sahəsində daha güclü əməkdaşlığa üstünlük verir.
Yaxın Şərqdən Hind-Sakit Okean hövzəsinə qədər böhranların yaşandığı və ABŞ, Çin, Hindistan və Rusiya kimi güclü oyunçuların olduğu bir dünyada Aİ-nin daha təsirli rol oynayacaq “orduya” malik olması lazım olduğunu müdafiə edərək, münaqişələrin qarşısını alan Tajani deyib ki, dünyada sülh varsa, Avropa gücü olmaq istənilirsə, Avropa ordusuna ehtiyac var və bu, təsirli bir Avropa xarici siyasətinə sahib olmaq üçün əsas şərtdir.
Bu ordunun avropalıların təhlükəsizliyi üçün zəruriliyinə işarə edən nazir Tajani bildirib ki, Aİ vətəndaşlarını ancaq artıq mövcud olan bir şey, yəni AB qoruya bilər.
Nazir Tajani həmçinin vurğulayıb ki, Aİ-nin liderlik sistemi dəyişdirilməli və Avropa Şurasının hazırkı sədri və Avropa Komissiyasının sədri yerinə vahid sədrlik sistemi tətbiq edilməlidir.
Tajani ötən il İtaliyanın keçmiş baş naziri Silvio Berluskoninin ölümündən sonra Forza Italia partiyasının yeni lideri olub.
