İraqın Kərkük şəhərində hərbçilərə qarşı təşkil edilən partlayışda 3 əsgər həyatını itirib, 2 əsgər isə yaralanıb.
İnterpress.az yerli mediaya istinadən xəbər verir ki, hadisə Havice rayonunun Aşağı Zap bölgəsində qeydə alınıb.
Belə ki, yola yerləşdirilən partlayıcının partlaması nəticəsində 3 əsgər şəhid olub, ikisi isə yaralanıb.
Hadisəyə görə məsuliyyəti üzərinə götürən olmayıb.