Madaqaskarda ayın əvvəlindən başlayan “Alvaro” qasırğası nəticəsində 12 nəfər həyatını itirib.
Bu barədə interpress.az xarici mediaya istinadən xəbər verir.
Milli Risk və Fəlakət İdarəetmə Ofisinin (BNGRC) açıqladığı rəsmi rəqəmlərə görə, 8 yanvar tarixinə qasırğadan zərər çəkənlərin sayı 32 min 876-ya yüksəlib, 16 mindən çox insan evlərini tərk edərək evlərinə yerləşdirilib.
Təsirini ən çox ölkənin cənub-şərqində hiss edən qasırğa nəticəsində ümumilikdə 6616 evi su basıb, 12 nəfər həyatını itirib.
Yanvarın 1-də fırtına kimi ölkəyə daxil olan Alvaro, təsirini artıraraq, yanvarın 2-dən etibarən qasırğaya çevrilib.
Hind okeanında bir ada ölkəsi olan Madaqaskarda yanvar ayında yağışlı mövsüm başlayır və aprel ayına qədər davam edir.
Keçən il ölkədə təsirli olan Cheneso qasırğası nəticəsində ən azı 30 nəfər həlak olmuşdu.
