Beyin çipləri hazırlayan Neuralink şirkətinin qurucusu Elon Musk beyninə çip taxılan ilk insanın tam sağaldığını və düşünərək kompüter siçan kursorunu hərəkət etdirə bildiyini açıqlayıb.
Bu barədə interpress.az xarici mediaya istinadən xəbər verir.
Musk açıqlamasında deyib: “Proses yaxşı gedir. Xəstənin tam sağaldığı görünür. Xəstə düşünərək siçan kursorunu hərəkət etdirə bilər”.
Onun sözlərinə görə, Neuralink xəstənin siçan kursorunu mümkün qədər hərəkət etdirə bilib-bilmədiyini görmək istəyir.
Musk yanvarın 29-da ilk insan subyektinin beyninə çip yerləşdirildiyini və subyektin bərpa prosesinin yaxşı getdiyini açıqlamışdı.
ABŞ Qida və Dərman İdarəsi (FDA) keçən ilin may ayında Neuralink-in beyin implantının insanlarda sınaqlarına başlamasına icazə verdi.
FDA-dan verilən icazə, xəstələrə insult və bir sıra nevroloji xəstəliklərin öhdəsindən gəlməyə kömək etmək məqsədi daşıyan şirkət üçün dönüş nöqtəsi oldu.
Neuralink sentyabr ayında insanlar üzərində sınaq üçün icazə aldığını açıqlamışdı.
