Rusiya Xarici İşlər Nazirliyi xaricə səyahətə hazırlaşan rusları diqqətli olmağa, riskləri nəzərə almağa çağırıb.
Yenicag.az xəbər verir ki, bu barədə XİN-dən RİA Novosti-yə bildiriblər. Nazirlik ABŞ kəşfiyyat xidmətlərinin tələbi ilə mümkün saxlanmalar və ya həbslər barədə xəbərdarlıq edib.
“Biz xaricə səfərlər planlaşdırarkən və müəyyən ölkələrdə qalarkən riskləri diqqətlə ölçməyin vacibliyini bir daha vurğulayırıq”, – XİN-dən bildirilib.
Xarici İşlər Nazirliyinin bildirdiyinə görə, ABŞ-nin 100-dən çox ölkə ilə, o cümlədən ruslar arasında populyar turizm məkanları – Türkiyə, Misir, Tailand və İsraillə ekstradisiya müqaviləsi var.
Onlar həmçinin hərbi-siyasi böhranlar, terror təhlükələri və fövqəladə hallar barədə hesabatların monitorinqini tövsiyə ediblər.
Xarici İşlər Nazirliyi xəbərdarlığın nə ilə bağlı olduğunu açıqlamayıb.
Xuraman Etibarlı
interpress.az
