Seneqalın şimalında qeyri-qanuni yollarla İspaniyaya keçməyə çalışan qeyri-qanuni mühacirləri daşıyan qayığın batması nəticəsində 26 nəfər həyatını itirib.
Bu barədə interpress.az xarici mediaya istinadən xəbər verir.
Yerli mətbuatda yayılan xəbərlərdə Kanar adalarına getmək üçün yola çıxan balıqçı gəmisinin paytaxt Dakardan təxminən 250 kilometr uzaqlıqdakı Saint-Luis şəhəri sahillərində çevrildiyi bildirilib.
İlkin məlumata görə, təxminən 300 qeyri-qanuni immiqrantı daşıyan qayığın batması nəticəsində 26 nəfər həyatını itirib.
Qayıqda Seneqal vətəndaşları ilə yanaşı Qvineya, Mavritaniya və Qambiya vətəndaşlarının da olduğu öyrənilib.
Hadisə ilə bağlı araşdırmalara başlanılıb.
