Ümumdünya Səhiyyə Təşkilatı (ÜST) alkoqol və şəkərlə şirinləşdirilmiş içkilər kimi zərərli məhsullar üçün qlobal vergi dərəcəsinin aşağı olduğunu göstərən yeni məlumatlar açıqlayıb. Bu barədə İnterpress.az xarici mediaya istinadən xəbər verir. ÜST-dən verilən açıqlamada, əksər ölkələrin daha sağlam davranışları təşviq etmək üçün vergilərdən istifadə etmədiyini göstərən yeni tapıntıların olduğu bildirilib.
Açıqlamada dünyada hər il 2,6 milyon insanın alkoqoldan, 8 milyondan çox insanın isə qeyri-sağlam qidalanma səbəbindən öldüyünə diqqət çəkilərək, spirtli və alkoqolsuz içkilərə vergi qoyulmasının bu ölümləri azaldacağı vurğulanıb.
Açıqlamada belə içkilərə vergi tətbiq edən ölkələrin yarısının içməli suya da vergi qoyduğu, ÜST-ün isə bunun əksini tövsiyə etdiyi bildirilib.
Açıqlamada 108 ölkənin bu içkilərə vergi tətbiq etdiyi, lakin dünya üzrə orta istehlak vergisinin içkilərin qiymətinin yalnız 6,6 faizini təşkil etdiyi vurğulanıb.
Bildirilib ki, ən azı 148 ölkə spirtli içkilərə milli istehlak vergisi tətbiq edir, şərab isə ən azı 22 ölkədə, əsasən də Avropada xüsusi istehlak vergilərindən azaddır.
Açıqlamada ÜST direktorlarından biri Dr. Rudiger Krech, “Qeyri-sağlam məhsullara vergi qoyulması daha sağlam əhali yaradır. Bu, daha az xəstəlik və kilo itkisi və hökumətlərin ictimai xidmətlər göstərməsi kimi gəlirlərlə cəmiyyətdə müsbət dalğalanma effektinə malikdir. Alkoqol vəziyyətində vergilər də zorakılığın qarşısını almağa kömək edir.
Açıqlamada, spirtli içki istehlakını azaltmaq üçün 2017-ci ildə spirtli içki vergilərini artıran Litva kimi ölkələrdə spirtə bağlı xəstəliklərdən ölümlərin azaldığı paylaşılıb.
İstehlak vergisinin bütün şəkərli və alkoqollu içkilərə tətbiq edilməsini tövsiyə edərək, ÜST ölkələri dəstəkləmək üçün alkoqol vergisi siyasətlərinə dair texniki təlimat dərc etmişdir.
