İlk oyunlar çərçivəsində baş tutan hər iki qarşılaşma Bakıda keçirilib.
“Qarabağ” “İnter Arena”da “Simurq”u sınağa çəkib. Cari mövsüm rəqibini 3 çempionat oyununda məğlub edən Qurban Qurbanovun yetirmələri bu dəfə də azarkeşlərini qələbəylə sevindirib. Ağdamlılar əvvəlki kubok matçlarında qol buraxmayan rəqibini Cavid Tağıyevin qolu ilə məğlub edib – 1:0. 4 gündən sonra Premyer Liqa çərçivəsində də üz-üzə gələcək komandalar ardınca cavab oyununa çıxacaq.
“Neftçi” ilə “İnter” arasında paytaxt derbisi isə “Bakcell Arena”da keçirilib. Bu qarşılaşmanın taleyini “ağ-qaralar”ın qol silahı Nikolas Kanales həll edib. Hər hissədə bir qol vuran çilili bombardir komandasının qələbəsində böyük pay sahibi olub.
Qeyd edək ki, yarımfinal mərhələsinin cavab oyunları aprelin 21-də keçiriləcək.
Azərbaycan kuboku
Yarımfinal, ilk oyunlar
“Neftçi” – “İnter” – 2:0
Qollar: Nikolas Kanales, 19, 71
“Qarabağ” – “Simurq” – 1:0
Qol: Cavid Tağıyev, 15
İnterpress.az
