İnterpress.az xarici mətbuata istinadən xəbər verir ki, ildə iki dəfə suların çəkilməsi ilə dənizin ortasından 3 kilometr uzunluğunda, 40 metr eni olan yol açılır. 1 saat sonra dəniz yenidən əvvəlki vəziyyətə qayıdaraq yolu örtür.
Milyonlarca insan dənizin çəkilməsindən yaranan bu yoldan keçərək adaya gedir.
Əfsanəyə görə, Jindo adasında yaşayan kəndlilər tez-tez pələnglərin hücumuna məruz qalıb. Belə hücumlardan biri zamanı kəndlilər canlarını qurtarmaq üçün Modo adasına üzüblər. Kəndin ən yaşlı sakini olan qadın üzməyi bacarmadığına görə Modo adasına gedə bilməyib. Sahilə qədər gələn qadın Tanrıya dua edib. Duası qəbul olunan bu qadın üçün dənizdən yol açılıb. Həmin gündən etibarən milyonlarla insan həmin yoldan keçir.
İnterpress.az
