İnterpress.az xəbər verir ki, paytaxtdakı mikrorayonlardan birində 36 yaşlı Dəmir Saparbəyov güllələnib. Kriminal aləmdə Danke ləqəbi ilə tanınan “oğru”nun qatillərindən birinin kimliyi hələlik məlum deyil. Maskalı killerlər onu evinin qarşısında gözləyib.
Dəmir Saparbəyov xəstəxanaya aparılsa da, həyatını xilas etmək mümkün olmayıb.
Hadisədən bir gün sonra 25 yaşlı “Saqqal” ləqəbli Ulan Toktosunovun qruplaşmasının üzvü olan 25 yaşlı gənc saxlanılıb. İkinci killer isə gizlənib.
Barəsində indiyə qədər 11 cinayət işi olan Danke Qamçı Kolbayevin klanının üzvü kimi tanınıb. 2 ay əvvəl azadlığa çıxan “oğru”nun ölümü ölkədə kriminal müharibənin başlanğıcı kimi qiymətləndirilir.
İnterpress.az
