Böyük Britaniyanın bir hissəsi olan Uelsdə 14 arı pətəyi və minlərlə arı oğurlanıb.
Bu barədə İnterpress.az xarici mediaya istinadən xəbər verir.
Şimali Uels polisi qiymətləndirir ki, 14 arı pətəyi və onu müşayiət edən minlərlə arı Denbiqşirdəki Di çayı üzərindəki Llanqollen yaxınlığında arıçılıq bilikləri olan biri tərəfindən aparılıb.
Ötən bazar ertəsi və çərşənbə arasında baş verdiyi bildirilən oğurluq hadisəsindən sonra polis, pətək sahibinin minlərlə funt dəyərində arı və bal itirdiyini bildirib.
Ümumilikdə 14 pətəyin yoxa çıxdığını deyən polisin icmaya dəstək zabiti İvan Ouen bildirib ki, arıların axşam saat 20:30-dan sonra pətəklərinə qayıdacağını güman edib, amma onlar gecə gec saatlarda oğurlanıb.
Şimali Uels polisi 14 arı pətəyi oğurlayan oğrunu axtarır.
