Qaradağ rayon Polis İdarəsi 10-cu polis bölməsindən verilən məlumata görə, hadisə saat 19 radələrində Müşviq qəsəbəsində, Yeni yaşayış massivində qeydə alınıb.
Həmin ünvanda yaşayan 1977-ci il təvəllüdlü Valeh İman oğlu İmanov yanıq xəsarətləri ilə Mərkəzi Yanıq Xəstəxanasına yerləşdirilib.
Araşdırmalar zamanı onun özü-özünü yandırdığı müəyyən olunub. Məlum olub ki, Valeh İmanov üzərinə benzin tökərək intihara cəhd edib.
Hazırda onun vəziyyətinin orta-ağır olduğu bildirilir.
Faktla bağlı araşdırma aparılır.
İnterpress.az
