İrəvanda keçirilən etiraz aksiyasının 237 iştirakçısı saxlanılıb.
Paytaxtdakı polis idarələri dolduğu üçün saxlanılanların bir hissəsi Abovyan və Aştarak şəhərlərinin həbsxanalarına aparılıb.
***
İnterpress.az erməni mətbuatına istinadən bildirir ki, aksiya dağıdılıb, aksiya iştirakçılarına qarşı zor tətbiq olunub. Onlarla aksiyaçının saxlandığı xəbər verilir.
Aksiya dağıdılmazdan əvvəl polis rəhbərliyi dəfələrlə iştirakçıları ərazini tərk etməyə çağırıb. Ancaq iştirakçılar aksiyanı oturaq davam etdirməkdə israrlı olublar.
Xatırladaq ki, İrəvanda dünəndən başlayan aksiyada sakinlər Prezident İqamətgahına gedən yolları bağlayıb və prezidentlə görüş tələb edib.
Etiraza səbəb elektrik enerjisinin bahalaşmasıdır.
İnterpress.az
