Azərbaycana yaz fəsli gəlib.
“İnterpress” xəbər verir ki, təbiət hadisəsi Bakı vaxtı ilə saat 07:06:21-də qeydə alınıb.
Bu zaman yaz gecə-gündüz bərabərliyi qeydə alınır, Günəş ekliptika üzrə hərəkət edərək ekvatoru kəsib Cənub yarımkürəsindən Şimal yarımkürəsinə keçir, həmin andan Şimal yarımkürəsində yaz fəsli, Cənub yarımkürəsində isə payız fəsli başlayır.
Yaz fəslinin uzunluğu 92 gün 17 saat 44 dəqiqə 35 saniyə olacaq.
Qeyd edək ki, martın 20-21-i Azərbaycanda Novruz bayramı qeyd olunur.
