Moskvada general-mayor korrupsiyaya görə 7,5 il müddətinə azadlıqdan məhrum edilib.
İnterpress.az xəbər verir ki, bu barədə TASS məlumat yayıb.
Moskva məhkəməsi korrupsiyada təqsirli bilinən ehtiyatda olan general-mayor Konstantin Kuvşinov barəsində hökm çıxarıb.
Məhkəmənin qərarı ilə o, 7,5 il müddətinə cəzaçəkmə müəssisəsinə göndərilib.
Bundan əlavə, general-mayor rütbəsindən məhrum edilib. Qeyd olunur ki, təqsirləndirilən şəxs korrupsiya faktlarını etiraf edib və peşman olduğunu bildirib.
Xuraman Etibarlı
İnterpress.az
