Ermənistan məktəblərində 2026-cı ildən “Erməni kilsəsinin tarixi” tədris olunmayacaq.
interpress.az xəbər verir ki, bu barədə Müqəddəs Eçmiədzin Ana taxt-tacının informasiya mərkəzində məlumat verilib. Katolikos təəssüflə qeyd edib ki, 2026-cı ildən “Erməni kilsəsinin tarixi” tədris olunmayacaq.
Bütün ermənilərin katolikosu II Qaregin mərkəzin direktoru arximandrit (Vardapet) Zəkəriyyə Baqumyanın rəhbərlik etdiyi Müqəddəs Eçmiədzin Ana taxt-tacının Xristian Təhsili Mərkəzinin regional rəsmilərini qəbul edib.
Sonra katolikos mərasim iştirakçılarına “Erməni kilsəsinin tarixi” fənninin tədrisinin vacibliyini deyib.
Katolikos təəssüflə bəyan edib ki, qarşıdan gələn tədris ilində ümumi təhsilin yeni dövlət standartının tətbiqi ilə fənn yalnız 9 və 11-ci siniflərdə tədris olunacaq, 2026-cı ildən isə təhsil proqramından tamamilə çıxarılacaq.
Xuraman Etibarlı
İnterpress.az
