İran məhkəmə sistemi keçmiş Qüds Qüvvələrinin komandanı Qasım Süleymaninin öldürülməsi ilə bağlı başda ABŞ-ın keçmiş prezidenti Donald Tramp olmaqla 73 amerikalıya qarşı ittiham aktı hazırlayıb.
Bu barədə İnterpress.az xarici mediaya istinadən xəbər verir.
Şiraz şəhərində keçirilən tədbirdə çıxış edən İran Ədliyyəsi sədrinin birinci müavini Məhəmməd Müsəddiq, Süleymaninin öldürüldüyü hücumla bağlı Tehranın həyata keçirdiyi məhkəmə prosesi haqqında məlumat verib.
Süleymaninin İraq hökumətinin rəsmi dəvəti ilə Bağdadda olarkən öldürüldüyünü deyən Müsadiq bunun “İranın milli təhlükəsizliyinə qarşı açıq-aşkar terror aktı” olduğunu bildirib.
Hücumun səbəbkarlarının müəyyən edilərək mühakimə olunması üçün lazımi işlərin aparıldığını və mövzu ilə bağlı 60 cild hüquqi sənədin toplandığını bildirən Musaddiq deyib: “Sui-qəsdə qarışan 97 nəfər müəyyən edilib. İndiyə qədər bir 73 amerikalıya qarşı ittihamnamə hazırlanıb. Onların arasında açıq-aşkar terror aktını sifariş edən ABŞ, keçmiş prezident Tramp da var”.
İranın ədliyyə rəsmisi, adları açıqlanmayan, lakin Süleymaninin öldürüldüyü hücumda rolu olduğu düşünülən 9 ölkəyə ədliyyə sahəsində əməkdaşlıq üçün ayrı-ayrı sorğular göndərildiyini və bu müraciətlərə cavab olaraq bəzi cavabların alındığını bildirib.
