Amsterdamda israillilərə qarşı hücumda iştirak edənlərin həbs edilərək deportasiya edilməsinə çağırış edilib.
İnterpress.az xəbər verir ki, bu barədə Hollandiyanın sağçı Azadlıq Partiyasının lideri Gört Vilders bildirib. O deyib ki, Amsterdamda israillilərə qarşı hücumda iştirak edənlərin hamısı həbs edilərək deportasiya edilməlidir.
“Biz Avropanın Qəzzası olduq. Fələstin bayraqlı müsəlmanlar yəhudiləri ovlayır. Mən bunu qəbul etməyəcəyəm. Heç vaxt”, – Vilders vurğulayıb.
Qeyd edək ki, Amsterdamda futbol matçından sonra baş verən kütləvi hücumlar nəticəsində 10-dan çox israilli yaralanıb. Qohumları ən azı 3 israilli ilə əlaqəni itirib.
Hollandiya polisinin məlumatına görə, israillilərə qarşı hücumlarda iştirak etdiyi iddia edilən 57 nəfər saxlanılıb.
Xuraman Etibarlı
İnterpress.az
