Kubada parlamentə seçkilər keçirilib.
Bu barədə İnterpress.az xarici KİV-ə istinadən xəbət verir.
Karib hövzəsi ölkəsi Kubada xalq 5 il müddətinə Milli Assambleya üzvlərini seçir.
12 milyon əhalisi olan Kubada yerli vaxtla saat 07:00-19:00 arasında ölkədə qurulan 23 min 648 seçki qutusunda 8 milyondan çox seçici səs verib.
Milli Seçki Şurasının (MŞ) verdiyi açıqlamada nəticələrin sistemə ötürüldükdən sonra ictimaiyyətlə paylaşılacağı açıqlanıb.
CEN prezidenti Alina Balseiro seçkinin şəffaf və etibarlı şəkildə başa çatdığını bəyan edərək, seçicilərin iştirak nisbətinin 70,34 faiz olduğunu qeyd edib. Seçkilərdə iştirak 2018-ci illə müqayisədə 7,91 faiz azalıb.
Müxalifət seçkilərin etibarlı keçirilmədiyini əsas gətirərək ictimaiyyəti bitərəf qalmasını istəyib, hakim partiya isə hamını səs verməyə çağırıb.
Deputatlığa namizədlərin yarısı bələdiyyə şuraları, digər yarısı isə həmkarlar ittifaqları və tələbə birlikləri kimi seçki şuraları tərəfindən müəyyən edilib.
Namizədlər Milli Assambleyada yer qazanmaq üçün öz rayonlarında səslərin 50 faizindən çoxunu almalıdırlar. Namizəd kifayət qədər səs toplamazsa, Məclis sözügedən bölgə üçün təyinatlar təyin edə və ya bələdiyyə komissiyalarına icazə verə bilər.
Parlamentdə təmsil olunmaq üçün 470 yer uğrunda 470 namizəd mübarizə aparır, lakin yarışda müxalifətin namizədi yoxdur. Çoxpartiyalı siyasi sistemlərdən fərqli olaraq, Kubada Qanunverici orqana daxil olmaq üçün namizədlərin əksəriyyəti Kuba Kommunist Partiyasının (PKP) üzvü kimi keçir.
Fidel və Raul Kastrodan sonra vəzifəyə gələn ilk prezident Migel Diaz-Kanelin daha beş il müddətinə seçiləcəyi gözlənilir. Diaz-Kanel də deputatlığa namizəd olub.
