Tuva hökumətinin hesabatında məmurlardan oğurluğu nə vaxt dayandıracaqları soruşulub. Tamaşaçılar sualı alqışlarla qarşılayıblar.
İnterpress.az xəbər verir ki, rəsmilər hökumətin 2024-cü il hesabatını müzakirə etmək üçün Uluq-Xem rayonunun Şaqonar şəhərində toplaşıb.
Gələn sakinlərdən biri sual vermək istəsə də, zaldakılardan kimsə fikrini yayındırıb. Torpaq və Əmlak Münasibətləri Naziri Ayan Dopuy-ool suala aydınlıq gətirmək istəyəndə kişi partlayıb və ağrılı fikrini dilə gətirib:
“Oğurluqdan nə vaxt əl çəkəcəksiniz? Sualım budur, başa düşürsünüz? Normal yaşayaq, normal tikək! Yalan danışmaq lazım deyil!”
Sualdan sonra məmurlar çarəsiz gülümsəyib, toplaşanlar isə alqışlamağa başlayıblar.
Xuraman Etibarlı
İnterpress.az
