“Piket” şirkətinin top-menecerləri qüsurlu gülləkeçirməz jiletlərə görə uzunmüddətli həbs cəzası alıblar.
İnterpress.az xəbər verir ki, bu barədə TASS məlumat yayıb.
Məlumata görə, “Piket” şirkətlər qrupunun qüsurlu gülləkeçirməz jiletlərin tədarükündə təqsirləndirilən top-menecerləri Antonova və Kalçenko məhkəmənin hökmü ilə müvafiq olaraq 7 və 10 il müddətinə azadlıqdan məhrum ediliblər.
Məhkəmə həmçinin Kalçenko, Antonova və “Piket” şirkətlər qrupunun baş direktoru Yesipovdan Rusiya Müdafiə Nazirliyinin xeyrinə dəymiş ziyanın ödənilməsi üçün 2 milyard 399 milyon rubl (təxminən 46,8 milyon manat) məbləğində vəsaitin müştərək qaydada tutulmasına qərar verib.
Xuraman Etibarlı
İnterpress.az
