İnterpress.az xəbər verir ki, həmin əməkdaşlar Ağ Evin xidməti maşınından sərxoş vəziyyətdə istifadə edib və maşını Ağ Evin hasarına çırpıb. Hadisənin iki iştirakçısından biri Barak Obamanın şəxsi mühafizə rəisinin müavini olub. O və yanındakı şəxs maşının sükanı arxasında sərxoş vəziyyətdə oturub.
Həmin gecə gizli xidmət əməkdaşları onları saxlayıb. Lakin sonra azad ediblər. Gizli xidmətin rəhbəri Cozef Klensi bu barədə məlumatlandırılıb. Xüsusi xidmətin nümayəndəsi Brayan Liri hadisə ilə bağlı araşdırma aparıldığını təsdiqləyib. Olay barədə prezident Obama şəxsən məlumatlandırılıb.
Qeyd edək ki, gizli xidmət dövlətin birinci şəxsinin mühafizəsi ilə məşğuldur. Ancaq bu xidmət əməkdaşları mütəmadi olaraq qalmaqalla gündəmə gəliblər. Bir ay əvvəl prezident xidmət rəisini başqası ilə əvəz edib.
Xidmət əməkdaşları prezidenti müşayət etdikləri xarici ezamiyyətlər zamanı alkoqoldan hədsiz istifadə və fahişələrin xidmətindən istifadədə günahlandırılıb.
İnterpress.az
