Balakən Rayon Mərkəzi Xəstəxanasından (RMX) verilən məlumata görə, rayonun Talalar kənd sakini 1994-cü il təvəllüdlü Sahibə Cavad qızı Məmmədova qarın boşluğunun kəsilmiş və daxilə nüfuz edən bıçaq xəsarəti ilə xəstəxanaya daxil olub. 21 yaşlı Sahibə Məmmədovanın üzərində cərrahiyə əməliyyatı aparıldıqdan sonra xəstəxananın reanimasiya şöbəsinə yerləşdirilib, vəziyyəti ağır qiymətləndirilir.
Balakən rayon Polis Şöbəsindən verilən məlumata görə, hadisə ilə bağlı cinayət işi başlayıb. Sahibə Məmmədovanın bıçaqla özü-özünə xəsarət yetirməsi və yaxud başqa bir şəxs tərəfindən bıçaqlanması araşdırılır. Məlumatda bildirilir ki, Sahibə Məmmədova evlidir və onun bir yaşı tamam olmayan körpə uşağı var.
İnterpress.az
