“Vladimir Putinin övladının olması ilə bağlı məlumat həqiqətə uyğun deyil”, Peskov Forbes jurnalına bildirib.
Putinlə münasibətlərinin olduğu bildirilən Alina Kabayevanın İsveçrədə, Ticino kantonunda yerləşən Sorengo-dakı klinikaların birində qız övladı dünyaya gətirməsi barədə xəbəri İsveçrənin Blick bulvar qəzeti yazıb.
“Bu qız”, cümə günü dərc edilmiş yazının başlığı belədir.
Mətbuat orqanı yazıb ki, Kabayevanın Sorengo-da olmasını “Ticino-nun yarısı” danışır və onu burada dəfələrlə görüblər.
“Vladimir Putinin rəfiqəsi” Alina Kabayevanın Ticino-da olması barədə almandilli Blick qəzetindən başqa, İsveçrənin fransız və italyan dilli mətbuat orqanları da yazıb.
İnterpress.az
