Rusiya prezidenti Vladimir Putinin KXDR və Vyetnama səfərlərinin hazırlanması prosesi sürətlə davam edir.
İnterpress.az xəbər verir ki, bunu mayın 30-da Rusiya Federasiyası xarici işlər nazirinin müavini Andrey Rudenko “Rusiya və Çin: yeni dövrdə əməkdaşlıq” doqquzuncu beynəlxalq konfransı çərçivəsində deyib.
Bundan əvvəl, mayın 28-də dövlət başçısının mətbuat katibi Dmitri Peskov qeyd edib ki, prezidentin KXDR-ə səfərinə hazırlıq gedir.
Ötən il sentyabrın 12-dən 17-dək Şimali Koreya lideri Kim Çen In Rusiyada rəsmi səfərdə olub.
Səfər zamanı o, “Vostochnıy” kosmodromunda Vladimir Putinlə görüşüb.
Liderlər ikitərəfli münasibətlərin inkişafını müzakirə ediblər, bundan əlavə, KXDR rəhbəri Putini respublikaya səfərə dəvət edib.
Xuraman Etibarlı
İnterpress.az
