Ermənistan Səhiyyə Nazirliyinin rəhbəri polisin nümayişçilərə qarşı hərəkətlərini mütənasib adlandırıb.
interpress.az bu barədə erməni mediası məlumat yayıb. Bildirilir ki, Ermənistanın səhiyyə naziri Anahit Avanesyan xəsarət alanların vəziyyəti barədə məlumat verib.
“Əməliyyat olunan bir xəstənin vəziyyəti qənaətbəxş qiymətləndirilir, qalanları bir-iki gün ərzində evə buraxılacaq”, – o deyib.
Avanesyan izah edib ki, əməliyyat əli kəsilmiş şəxs üzərində aparılıb və ona hazırda müvafiq yardım göstərilir.
Səhiyyə Nazirliyinin rəhbəri də onlara baş çəkməyə hələ vaxtının olmadığını desə də, bunu edəcəyinə əmin edib.
Nazir həmçinin hesab edir ki, polis Ermənistanda ictimai asayişi qorumaq vəzifəsini yerinə yetirərək proporsional və qanuna uyğun hərəkət edib.
Jurnalistlərin kəllə-beyin travması aldıqları hərəkətlərin mütənasib olub-olmaması ilə bağlı suala nazir belə cavab verib:
“Bizdə başı yarılmış xəstə yoxdur. Bütün xəstələr yüngül və orta dərəcəli xəsarətlər alıblar”, – erməni nazir qeyd edib.
Xuraman Etibarlı
İnterpress.az
