Baydenin köməkçiləri onun əsl vəziyyətini gizlədiblər.
interpress.az xəbər verir ki, bu barədə “The Wall Street Journal” yazıb. Nəşr yazır ki, ABŞ prezidenti Co Baydenin köməkçiləri onun əsl vəziyyətini gizlətmək və uğursuzluqlarını mümkün qədər az göstərmək üçün bir ildən artıqdır ki, onun hərəkətlərini və təmaslarını izləyirlər.
Nəşrdən belə başa düşmək olar ki, Ağ Ev Baydenin gündüz tədbirləri cədvəlini onu gözlənilməz ifadə və çıxışlardan sığortalamaq üçün tərtib edib.
Prezidentin müşavirləri müsahibələrin və mətbuat konfranslarının sayını məhdudlaşdırıb. Həmçinin söhbətlərin qarşılıqlı komplimentdən yan keçməməsi üçün mümkün olan hər şeyi ediblər.
Baydenin səfərləri də onun tükənəcəyi ilə bağlı narahatlıqlara görə məhdudlaşdırılıb. Bütün bunların arasında onlar ictimaiyyətə Ağ Evin hazırkı rəhbərinin vəziyyətinin yaxşı olduğunu və onunla hər şeyin qaydasında olduğunu söyləməyə davam ediblər.
Xuraman Etibarlı
İnterpress.az
