HƏMAS Siyasi Bürosunun rəhbəri Haniyə yaxınlıqdakı binadan atılan raket nəticəsində həlak olub.
interpress.az xəbər verir ki, bu barədə “Sky News Arabia” İran mənbələrinə istinadən yazır.
Eyni zamanda İranın müxalif “İran İnternational” kanalı qeyd edir ki, məhvetmə zamanı Haniyə Tehranın şimalındakı Saadabad saray kompleksində olub.
“İslam Respublikasının uzun illərdir ki, bu kompleksdən dövlət tədbirlərində istifadə etdiyi vurğulanır. Bununla belə, hava hücumunun konkret nə, raket və ya pilotsuz təyyarə ilə həyata keçirildiyi hələ də aydın deyil”, – “İran İnternational” yazıb.
Bu gün səhər saatlarında Livanın “Əl Mayadeen” telekanalı Haniyənin xarici ölkədən atılan raketlə öldürüldüyünü bildirib.
Xuraman Etibarlı
İnterpress.az
