Tanınmış yazıçı, şair, publisist Aqşin Yenisey müəllifi olduğu “Sənə məktub yazıram…” adlı məşhur şeiri ilə bağlı gizlinləri açıqlayıb.
İnterpress.az xəbər verir ki, o, şeirin dostuna yazdığı mesajlar hesabına ərsəyə gəldiyini bildirib.
Söyləyib ki, əslində bu şeiri hissə-hissə dostuna yazıb, dostu isə onun yazdığı misraları vahid şeir kimi yığaraq təqdim edib.
Daha ətraflı:
“Sənə məktub yazıram…”
Sənə məktub yazıram
Yazıram ki,
bağışla…
Burda hava pis keçir
Ara vermir yağışlar
Tək yatıb tək durmaqdan
Bezdirmişəm otağı
Bilirsən…
pinti olur
Yalqızların yatağı
Yalqızlar az yuyunur
Gəlir yalqızlardan iy
Çayları soyuq olur
Yeməkləri alaçiy
Çirkli ayaqqabılar…
Dibi yanmış qazança…
Bir qırıq da ümid var
…qayıdacaq haçansa…
Yalqız sabaha baxmır
Arzulayır keçmişi
Çox miskin mənzərədir
Ev yığışdıran kişi
Hələ bunun gecələr
içib ağlamağı var,
saçın daramamağı
saqqal saxlamağı var
Üstəgəl pəncərədən
Gözünü yola dikmək
Gəlməyini gözləmək
Qadın həsrəti çəkmək
Dərd ağır, hava da pis
Ara vermir yağışlar
Sənə məktub yazıram
Yazıram ki,
Bağışla…
Sahilə Məlik qızı
İnterpress.az
