Tatarıstanda kafe ərazisindəki fəvvarədə iki nəfər elektrik cərəyanı vurması nəticəsində həlak olub.
İnterpress.az xəbər verir ki, bu barədə yerli hüquq-mühafizə orqanları məlumat yayıb.
Hadisə Tatarıstanın Spasski rayonunda yerləşən kafe ərazisində qeydə alınıb. İlkin məlumata görə, fəvvarənin suyuna girən iki nəfəri elektrik cərəyanı vurub.
Hadisə təxminən saat 11:30 radələrində baş verib. Dərhal əraziyə cəlb olunan tibb işçiləri onların həyatını xilas edə bilməyib və yalnız şəxslərin ölüm faktını qeydə alıblar.
Hazırda hadisənin başvermə səbəbləri, o cümlədən fəvvarədəki elektrik təhlükəsizliyi qaydalarının pozulması ilə bağlı araşdırmalar aparılır.
Xuraman Etibarlı
İnterpress.az
