ABŞ və Cənubi Koreya KXDR-ə qarşı kütləvi qırğın silahlarından istifadə ssenarilərinə hazırlaşır.
İnterpress.az xəbər verir ki, bu barədə Koreya Mərkəzi Teleqraf Agentliyi (KCNA) məlumat yayıb.
Şimali Koreya Müdafiə Nazirliyinin açıqlamasında ABŞ və Cənubi Koreyanın KXDR-ə qarşı nüvə, kimyəvi və bioloji silahlardan mümkün istifadəyə hazırlaşdığı iddia olunur.
Sentyabrın 10-da ABŞ və Cənubi Koreyanın komissiyaları kütləvi qırğın silahlarına cavab tədbirləri ilə bağlı iclas keçirib.
Ölkələrin birgə “Freedom Shield” təlimləri çərçivəsində də bu cür ssenarilərin məşq edildiyi bildirilib.
Xuraman Etibarlı
İnterpress.az
