Avstriyanın daxili işlər naziri Gerhard Karner 2023-cü ildə ifrat sağçılarla əlaqəli cinayətlərin əvvəlki ilə nisbətən əhəmiyyətli dərəcədə artdığını, 2022-ci ildə ifrat sağçı motivlərlə 928 cinayət törədildiyi halda, keçən il bu rəqəmin 1208-ə yüksəldiyini bildirib.
Bu barədə interpress.az xarici mediaya istinadən xəbər verir.
O, Avstriya Sosial Demokrat Partiyasının (SPÖ) ötən il ölkədə ifrat sağçı və irqçi motivlərlə törədilən cinayətlərlə bağlı təqdim etdiyi parlament sualını cavablandırıb.
Karner,ş ötən il ifrat sağla əlaqəli cinayətlərin əvvəlki ilə nisbətən əhəmiyyətli dərəcədə artdığını və cinayətlərin sayının 2022-ci ildəki 928-dən 2023-cü ildə 1208-ə yüksəldiyini bildirib.
Ən çox cinayətin paytaxt Vyanada törədildiyini bildirən Karner, keçən il nasist təbliğatı etdiyi səbəbiylə 1203 nəfər haqqında cinayət işi açıldığını bildirib.
Karner qeyd edib ki, cinayəti törədənlərin əksəriyyəti kişilərdir.
Sosial Demokrat Partiyasından verilən yazılı açıqlamada hökumətin ifrat sağçılarla mübarizədə kifayət qədər olmadığı, federal səviyyədə yeni və çəkindirici tənzimləmələrin tətbiq edilməsi lazım olduğu bildirilib.
