Tavuşdakı sərhəd dirəkləri Ermənistanın təhlükəsizliyinin təminatıdır.
İnterpress.az Ermənistan KİV-ə istinadən xəbər verir ki, bunu baş nazir Nikol Paşinyan mətbuat konfransında deyib.
Onun sözlərinə görə, bu gün Ermənistanda baş verənlər təhlükəsizlik təminatlarının yaradılmasıdır, çünki əvvəlkilər yaramayıb: “Hakimiyyət bu təminatları gücləndirmək və dirəklərin sayını artırmaq üçün əlindən gələni edəcək”.
Baş nazir bildirib ki, sərhəd sütunları qanuni əsaslarla quraşdırılır: “Onlar Voskepar, Kirants, Berkaber, Bağanis və bütövlükdə Ermənistan kəndlərinin təhlükəsizliyinin təminatına çevrilirlər. Delimitasiya və demarkasiya bir məqsəd deyil, vəzifə aydın təminatların formalaşdırılmasını özündə ehtiva edir”.
