Ukraynada Rusiyanın 1 milyard dollara yaxın aktivinə həbs qoyulub.
İnterpress.az xəbər verir ki, bu barədə Ukrayna Milli Polisinin Strateji Təhqiqatlar Departamentinin rəhbəri Rubel məlumat verib.
Ukrayna polisi Rusiya ilə bağlı 38 milyard UAH (təxminən 1 milyard dollar) dəyərində aktivləri bloklayıb.
Onun sözlərinə görə, bütün aktivlər “Ukraynanın xeyrinə və ehtiyaclarına işləyir”, o cümlədən hərbi aktivlər.
“Xüsusən, bir Bell-427 helikopteri, bir Gulfstream G650 təyyarəsi, 47 yük maşını, 55 minik avtomobili və üç düzbucaqlı yarımqoşqu müdafiəçilərimizə təhvil verilib”, – Rubel RBC-Ukraynaya müsahibəsində bildirib.
O, aydınlaşdırıb ki, Rusiya aktivlərinin həcmini qiymətləndirmək çətindir. Çünki 2014-cü ildən Ukraynanın bütün iri biznesləri birbaşa və ya dolayı yolla ruslarla bağlıdır.
Xuraman Etibarlı
İnterpress.az
