Səudiyyə Ərəbistanında universitetdə təşkil olunun paneldə din xadimi Şeyx Bəndər Əl-Xeybəri tələbələrin suallarını cavablandırarkən maraqlı çıxış edib. Belə ki, tələbələrdən biri ondan dünyanın fırlanıb, fırlanmadığını soruşub. İnterpress.az xəbər verir ki, Əl- Xeybəri “Dünya sabitdir, hərəkət etmir” deyərək hər kəsi heyrətləndirib: “Baxın görün biz hardayıq. Məsələn, buradan Çinə təyyarə ilə gedirik. Dünya fırlanır deyirsiniz də. Yaxşı, mənə baxın. Bu (su paketini göstərir) dünyadır. Əgər dünya fırlanırsa, təyyarə havada dayanarsa Çinə doğru uçmalıdır, elə deyilmi? Düzdü, yoxsa səhvdi? Əgər dünya fırlansaydı, təyyarə heç vaxt Çinə çata bilməzdi. Çünki Çin də təyyarə kimi fırlanardı”.
Video “youtube”a yüklənən kimi sosial mediada ərəbcə “#cleric_rejects_rotation_of_Earth\” (molla Dünyanın fırlanmasını inkar edir) haştaqıyla tvitlər atılıb. Bundan əlavə mollanın videosunun altından onu ələ salan xeyli şərhlər də yazılıb.
İnterpress.az
