Tayvan Çinin mümkün hücumundan müdafiə üçün ABŞ-a pul ödəməlidir.
interpress.az xəbər verir ki, bu barədə ABŞ prezidentliyinə namizəd Donald Tramp Bloomberg-ə müsahibəsində deyib.
“Düşünürəm ki, Tayvan müdafiə üçün bizə pul ödəməlidir. Bilirsiniz, bizim sığorta şirkətindən heç bir fərqimiz yoxdur.
Tayvan bizə heç nə vermir. Niyə? Biz bunu niyə edirik?”, – Tramp bildirib.
O, həmçinin Tayvanın çip biznesini Vaşinqtondan götürdüyündən və oradan varlandığından şikayətlənib.
Xatırladaq ki, noyabrın 5-də ABŞ-də prezident seçkiləri keçiriləcək. Hazırkı prezident Bayden və respublikaçı Tramp dövlət başçısı vəzifəsinə əsas namizədlərdir.
Xuraman Etibarlı
İnterpress.az
