Jurnalistlər Ekstremal Şəraitdə İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Vətənpərvərlik mövzusunda dəyirmi masaların təşkili” layihəsinin icrasını davam etdirir.
İcra müddəti 3 ay olacaq layihə Şamaxı, Masallı, Astara, Biləsuvar, Lənkəran rayonlarında həyata keçiriləcək.
Təşkilatdan verilən məlumata görə, layihənin məqsədi cəmiyyətdə vətənpərvər və hərbi vətənpərvərlik hisslərinin düzgün aşılanmasına, gənc nəslin hərbi vətənpərvərlik ruhunda tərbiyə olunmasına kömək etməkdir.
Layihə çərçivəsində iyulun 19-da Şamaxı şəhərindəki “Şamaxı rayon Yaradıcılıq Mərkəzi”nin zalında reallaşan tədbirdə 20 nəfər iştirak edib. Azərbaycan himni ilə açılan tədbirdə şəhidlərinmizin əziz xatirəsi 1 dəqiqəlik sükutla yad edilib.
Tədbir iştirakçıları aşağıdakı mövzular ətrafında məlumat alıblar və müzakirələrdə iştirak ediblər;
1. Müzəffər Ali Baş Komandanın ordu quruculuğu və qələbəmizdəki böyük rolu.
2. Vətən müharibəsinin qəhrəmanları heç vaxt unudulmayacaq.
3. Azərbaycan xalqı 44 gün bir yumruq kimi.
4. Vətəni cəsur igidlərimiz- qəhrəman şəhidlərimiz kimi sevməliyik.
Tədbirtdən sonar iştirakçılar üçün çay süfrəsi təşkil edilib və mövzu ərafında söhbətlər aparılıb.
