Bakıda sərnişin avtobusunun törətdiyi qəzada ata ölüb, oğul isə xəsarət alıb.
Hadisə Bülbülə qəsəbəsində qeydə alınıb.
1987-ci il təvəllüdlü Rauf Sabir oğlu Yusifovun idarə etdiyi “VAZ 21-07” markalı avtomobillə , 184 saylı xətt üzrə hərəkət edən “Daewoo” markalı sərnişin avtobusu toqquşub.
Qəza zamanı “VAZ 21-07” markalı avtomobildə olan 1956-cı il təvəllüdlü sərnişin, sürücünün atası Sabir Abdulla oğlu Yusifov hadisə yerində ölüb, sürücü isə ağır bədən xəsarətlə ilə xəstəxanaya yerləşdirilib.
***
Bu barədə “112” qaynar telefon xəttinə məlumat daxil olub.
Daxil olmuş məlumata əsasən, Bakı şəhəri, Suraxanı rayonu ərazisində, “Daewoo” markalı sərnişin avtobusu ilə “Vaz” markalı minik avtomobili toqquşub.
Nəticədə deformasiyaya uğramış avtomobildə sıxılmış vəziyyətdə qalmış sürücü və sərnişin xilasedicilər tərəfindən avtomobildən çıxarılaraq xilas edilib.
Faktla bağlı əməliyyat saat 06:13-də başa çatmıb.
İnterpress.az
