Tərtər şəhərindəki Şəhidlər xiyabanında naməlum şəhid kimi dəfn edilmiş Birinci Qarabağ müharibəsində itkin düşmüş hesab olunan Zakir Minad oğlu Muradovun meyitinin qalıqları Xaçmaz rayonuna gətirilib.
İnterpress.az bildirir ki, şəhidin nəşi Xaçmaz rayonunun Yeni Sudur kəndində ailəsinə təhvil verilib.
Hazırda şəhidlə vida mərasimi keçirilir.
Qeyd edək ki, Zakir Minad oğlu Muradov 1971-ci il aprelin 25-də Xaçmaz rayonunun Yeni Sudur kəndində anadan olub. O, 1992-ci il noyabrın 9-da Ağdərə rayonunda itkin düşüb.
Z.Muradov Yeni Sudur kənd qəbiristanlığında dəfn olunacaq.
