Cəlilabad rayonunda su bəndində təmir işləri aparılır.
İnterpress.az bildirir ki, bənd rayonun Uzuntəpə kəndi ərazisində yerləşir.
Bəndin su tutumu təxminən 3 milyon kubmetr olacaq.
Hazırda bəndə Araz çayından (İmişli rayonu Bəhramtəpə qəsəbəsi) kanal çəkilir. Təmir işləri Cəlilabad rayon Suvarma Sistemləri İdarəsi tərəfindən aparılır. Bənd istifadəyə verildikdən sonra 12 minə yaxın əhalisi olan Uzuntəpə kəndinin əkin sahələrinin suvarma suyu ilə təminatı problemi öz həllini tapacaq./Report
